တည်ဆောက်ပုံနှင့် ရည်ရွယ်ချက် သတ်မှတ်ချက်

နောက်ခံအကြောင်း

COVID-19 ကာလအတွင်း အွန်လိုင်းပေါ်တွင် သတင်းမှားများနှင့် လုပ်ကြံသတင်းများ ပျံ့ပွားခြင်းသည် အဟန့်အတားမဲ့ ပျံ့နှံ့လျက် ရှိပါသည်။ ကမ္ဘာ့စီးပွားရေးဖိုရမ် (World Economic Forum) က ၎င်းကို လူ့အဖွဲ့အစည်းအတွက် အကြီးမားဆုံး ခြိမ်းခြောက်မှု အန္တရာယ်တစ်ခုအဖြစ် ခွဲခြားရွေးထုတ်ခဲ့ပါသည်။ ASEAN သည်လည်း အဆိုပါ ခြိမ်းခြောက်မှု အန္တရာယ်နှင့် မကင်းလွတ်ပါ။ အစွန်းရောက်မှု၊ အမုန်းစကား ပြောဆိုခြင်း၊ သတင်းမှားများနှင့် ချုပ်ချယ်လိုမှုများလေ့ရှိသည့် ခုခံနိုင်စွမ်းမရှိဆုံး အုပ်စုများထဲတွင် လူငယ်များ ပါဝင်ပါသည်။

UNESCO လေ့လာမှုအပေါ် အခြေခံ၍ ဖြေကြားသူ လူငယ် ၅၄% သည် အွန်လိုင်းတွင် အမုန်းစကားနှင့် အစွန်းရောက်အရာများနှင့် တွေ့ကြုံရသည့်အခါ မည်သို့ တုံ့ပြန်ရမည်ကို မသိခဲ့ကြပါ။ သို့သော် ပိုမို အားရှိစရာ မှတ်ချက်တစ်ခုမှာ မီဒီယာနှင့် သတင်းအချက်အလက် သိနားလည်မှု စွမ်းရည်များသည် တော်လှန် အစွန်းရောက် အုပ်စုများမှ မိမိကိုယ်ကိုယ် ကာကွယ်နိုင်ရန်နှင့် အွန်လိုင်းတွင် အမုန်းစကား ပြောဆိုမှုများကို တုံ့ပြန်နိုင်ရန် လူငယ်များကို စွမ်းရည်မြှင့်တင်ပေးနိုင်သည်ဟူသော ထင်မြင်ချက်ကို ဖြေကြားသူ လူငယ် ၉၂% က လက်ခံယုံကြည်ခဲ့ကြပါသည်။

ASEAN က သတင်းအမှားနှင့် လုပ်ကြံသတင်းများကို ကာကွယ်ရန် ခိုင်မာသည့် အဆင့်တစ်ခုကို လှမ်းလျက်ရှိပါသည်။ ၂၀၁၈ခုနှစ်တွင် သတင်းအချက်အလက်အတွက် ASEAN တာဝန်ရှိ ဝန်ကြီးများက အန္တရာယ်ရှိစေသော အကျိုးသက်ရောက်မှုများရှိသည့် အတုအယောင် သတင်းများ လျှော့ချရန် မူဘောင်နှင့် ပူးတွဲ ထုတ်ပြန်ချက်ကို သဘောတူ လက်ခံခဲ့ပါသည်။ ASEAN သည်လည်း ASEAN ဒစ်ဂျစ်တယ် သိနားလည်မှုကို စတင်ခဲ့ပြီး ၎င်းသည် အွန်းလိုင်းတွင် လုပ်ကြံသတင်းများအပေါ် တိုက်ထုတ်ခြင်း၏ တစ်စိတ်တစ်ဒေသအနေဖြင့် ပိုမိုကောင်းမွန်သော ဆိုင်ဘာလုံခြုံရေးကို မြှင့်တင်ရန် ရည်ရွယ်ပါသည်။ ထို့အပြင် လူငယ်များ၏ ဒစ်ဂျစ်တယ် သတင်းအချက်အလက် သိနားလည်မှု မြှင့်တင်ရန် အလယ်တန်း ကျောင်းဆရာများ၊ တက္ကသိုလ်ကျူတာများနှင့် ပို့ချသူများကို အဓိကထားသည့် နည်းပြများအား လေ့ကျင့်သင်ကြားခြင်း အစီအစဉ် လမ်းညွှန်ကို ASEAN က ရေးဆွဲသည်ကို ၂၀၂၁ခုနှစ်တွင် မြင်တွေ့ခဲ့ရပါသည်။

အားထုတ်ကြိုးပမ်းမှုတွင် ပါဝင်ရန် နည်းလမ်းတစ်ရပ်အနေဖြင့် Google.org ၏ ပံ့ပိုးမှုနှင့်အတူ ASEAN Foundation က ၂၀၂၂ခုနှစ်မှ ၂၀၂၄ ခုနှစ်အထိ ASEAN Digital Literacy Programme (ADLP) ကို အကောင်အထည်ဖော် ဆောင်ရွက်မည် ဖြစ်ပါသည်။ ဒေသဆိုင်ရာ အစီအစဉ်မှာ ဒေသန္တရ အကောင်အထည်ဖော် ဆောင်ရွက်ရေး မိတ်ဖက်များနှင့်အတူ လူငယ်များ၊ ဆရာ၊ မိဘ၊ ရပ်ရွာခေါင်းဆောင်များနှင့် အစိုးရအရာရှိများအတွက် ဒစ်ဂျစ်တယ် သိနားလည်မှု လေ့ကျင့်သင်ကြားရေးကို ပံ့ပိုးခြင်းဖြင့် နယ်မြေရှိ သတင်းမှားနှင့် လုပ်ကြံသတင်းများကို တိုက်ဖျက်ချေမှုန်းရန် ရည်ရွယ်ခြင်း ဖြစ်သည်။ မီဒီယာနှင့် သတင်းအချက်အလက် သိနားလည်မှု၏ အရေးပါမှုသည် လူပိုမိုသိရှိပါက ပို၍ကောင်းမွန်ပြီး နောက်ပြောင်လိမ်လည်မှုများနှင့် အတုအယောင် သတင်းများကို သတိပြုမိရန်နှင့် မပျံ့နှံ့အောင် ကာကွယ်ရန် အပြောင်းအလဲ ဖန်တီးသူများဖြစ်လာအောင် လူများကို လှုံ့ဆော်ပေးရန်အတွက် အစီအစဉ်တွင် ခိုင်မာသည့် သိမြင်နားလည်မှု လှုပ်ရှားရေးတစ်ခု ပါဝင်ပါမည်။

အဆိုပါအချက် အောင်မြင်ရန် Google.org ၏ ပံ့ပိုးမှုနှင့်အတူ ASEAN Foundation က ASEAN ဆယ်နိုင်ငံမှ လက်ရွေးစင် လူငယ်များ ပေါင်းစပ်ထားသော Youth Advisory Group (YAG) ကို တည်ထောင်ပါမည်။ ADLP ၏ အကျိုးကျေးဇူးများသည် အခြေခံ လူတန်းစား အဆင့်ရှိ ရပ်ရွာလူထုထံ သေချာပေါက် ရောက်ရှိနိုင်စေရန် YAG က ကူညီပေးမည် ဖြစ်ပါသည်။ အစီအစဉ်ကို အကောင်အထည်ဖော် ဆောင်ရွက်ရာတွင် သိနားလည်မှု မြှင့်တင်ရေး လှုပ်ရှားမှုများ၊ အသေးစိတ် လေ့လာမှု သုတေသနနှင့် လေ့ကျင့်မှု ပို့ချခြင်း အစရှိသည့် အဓိက လုပ်ငန်းစဉ်များစွာတွင် YAG ကို ထည့်သွင်းပါမည်။ ၎င်းတို့၏ တာဝန်ကို မဆောင်ရွက်မီ YAG ရှိ လူငယ်များသည် သတင်းမှားနှင့် လုပ်ကြံသတင်း၏ အကြောင်းအရာနှင့် ပတ်သက်သော လေ့ကျင့်သင်ကြားမှုကို အရင်ဆုံး လက်ခံရရှိပါမည်။

ရည်မှန်းချက်များ

• သတင်းမှားနှင့် သတင်းတုများကို တိုက်ဖျက်ချေမှုန်းရာတွင် ဒစ်ဂျစ်တယ် သိနားလည်မှု၏ အရေးပါပုံကို ပိုမိုနားလည်သဘောပေါက်ရန်
• အခြေခံလူတန်းစား အဆင့်ရှိ အကျိုးခံစားသူများအတွက် အထူးသဖြင့် ဖယ်ကြဉ်ခံထားသည့် အုပ်စုရှိ လူများအတွက် အစီအစဉ်၏ အကျိုးကျေးဇူးများကို မြှင့်တင်ရန်
• ADLP ၏ ကြားဝင်ဆောင်ရွက်မှုများသည် သတင်းအချက်အလက်နှင့် မီဒီယာအတွက် Youth 2021 and ASEAN Strategic Plan ရှိ Education 2021 – 2025, ASEAN Work Plan တွင် ဦးစားပေး ASEAN Work Plan များနှင့် ချိန်ညှိထားကြောင်း အထောက်အကူပေးရန်
• လူငယ်များ၏ ဒစ်ဂျစ်တယ် သိနားလည်မှု စွမ်းရည် ဖွံ့ဖြိုးရန်နှင့် သတင်းမှားနှင့် လုပ်ကြံသတင်း နားလည်သဘောပေါက်မှု တိုးမြှင့်ရန် လူငယ်များအတွက် ပိုမိုကျယ်ပြန့်စွာ ပံ့ပိုးရန်

လုပ်ငန်းဆောင်ရွက်မှု နယ်ပယ်

• သုတေသနနှင့် စစ်တမ်းကောက်ယူမှု၏ ကနဦးအဆင့်အတွက် အဓိက ဖြေကြားသူ ဖြစ်လာရန်
• သက်ဆိုင်ရာ အဓိက ပါဝင်သက်ဆိုင်သူများကို ထင်ရှားစေရာတွင် သုတေသန လုပ်ငန်းကို ပံ့ပိုးရန်
• လေ့ကျင့်သင်ကြားမှု လုပ်ငန်းစဉ်များအတွက် လူငယ် ပူးပေါင်းပါဝင်မှု အရေအတွက် မြင့်မားစေရေးတွင် အစီအစဉ်ကို ပံ့ပိုးကူညီရန်
• နိုင်ငံနှင့် ဒေသတွင်းအဆင့်၌ သတင်းမှားနှင့် လုပ်ကြံသတင်းများကို တိုက်ဖျက်ချေမှုန်းရန် သိနားလည်မှု မြှင့်တင်ရေး စီမံကိန်းများကို ရေးဆွဲအကောင်အထည်ဖော်ရန်
• မီဒီယာပလက်ဖောင်း အမျိုးမျိုးမှတစ်ဆင့် ဖြန့်သည့် မီဒီယာ သိနားလည်မှုနှင့် သတင်းအချက်အလက်ဆိုင်ရာ ဆောင်းပါးများနှင့် သတင်းများ ထုတ်လုပ်ရန်
• မီဒီယာ သိနားလည်မှုနှင့် သတင်းအချက်အလက်ဆိုင်ရာ ပြဿနာများနှင့် ၎င်းတို့ကို ဖြေရှင်းရမည့် နည်းလမ်းတို့နှင့် ပတ်သက်၍ ASEAN Foundation နှင့် ၎င်း၏ ဒေသန္တရ အကောင်အထည်ဖော် ဆောင်ရွက်ရေး မိတ်ဖက်များအား ဗျူဟာမြောက် အကြံဉာဏ်များ ပေးရန်
• မီဒီယာ သိနားလည်မှုနှင့် သတင်းအချက်အလက်ဆိုင်ရာနှင့် ပတ်သက်သော ASEAN လုပ်ငန်းစဉ်တွင် တုံ့ပြန်အကြံပြုချက်ပေးရန်အတွက် သက်ဆိုင်ရာ ASEAN ဝါရင့် အရာရှိများ/ဆောင်ရွက်ရေးအဖွဲ့ အစည်းအဝေးများတွင် ပါဝင်ဆောင်ရွက်ရန်

အဖွဲ့ဝင် ပရိုဖိုင်

• အသက်အရွယ် - အသက် ၁၅-၃၅ နှစ်ရှိ လူငယ်များ။ အသက် ၁၈ နှစ်အောက် လူငယ်များသည် ၎င်းတို့၏ မိဘ သို့မဟုတ် အုပ်ထိန်းသူ၏ ခွင့်ပြုချက် လိုအပ်မည်ကို ဂရုပြုပါ။ (သက်ဆိုင်ရာ ပုံစံများ ပေးပါမည်။)
• တန်းတူညီမျှမှုနှင့် အလုံးစုံပါဝင်မှု စိစစ်ခြင်း - ဂျန်ဒါ၊ မသန်စွမ်းမှု၊ ကျန်းမာရေး အခြေအနေ၊ စောင့်ရှောက်မှု အခြေအနေ၊ တိုင်းရင်းသား မျိုးနွယ်စု၊ ဒုက္ခသည် အခြေအနေ/နိုင်ငံမဲ့မှု၊ လိင်စိတ်တိမ်းညွှတ်မှု သို့မဟုတ် မိသားစုဝင်ငွေကြောင့် ဘေးဖယ်ထုတ်ခံ ထားရနိုင်ပြီး ဆုံးဖြတ်ချက် ချခြင်းမှ ချန်လှပ်ခံရနိုင်သည့် လူငယ်များ
• ပထဝီဝင်ဆိုင်ရာ ကိုယ်စားပြုခြင်း - အာဆီယံ အဖွဲ့ဝင် ၁၀ နိုင်ငံ
• ရပ်တည်ကာကွယ်သူ/ ထောက်ခံအားပေးသူ - ဒစ်ဂျစ်တယ် လုံခြုံရေးနှင့် ဒစ်ဂျစ်တယ် သိနားလည်မှုကို ထောက်ခံအားပေးရာတွင် သို့မဟုတ် ကူညီပံ့ပိုးရာတွင် အတွေ့အကြုံရှိသည့် လူငယ်များကို ချိတ်ဆက်ဆောင်ရွက်ခြင်းအတွက် ဦးစားပေးပါမည်။
• ဘဝအတွေ့အကြုံများ - ထောက်ခံအားပေးမှုတွင် မိမိတို့၏ ဘဝအတွေ့အကြုံများကို ယူဆောင်လာနိုင်သည့် လူငယ်များ
• အွန်လိုင်း ရှိနေခြင်း - လူမှုကွန်ရက်တွင် follower များရှိခြင်း နှင့်/သို့မဟုတ် လူမှုကွန်ရက်တွင် active ဖြစ်သည့် လူငယ်များ

ဖော်ပြပါလင့်ခ်မှတစ်ဆင့် ၃၀ ဧပြီလ ၂၀၂၂မတိုင်မီ လျှောက်ထားရန် (ဤနေရာ ကလစ်နှိပ်ပါ။).